楊千嬅感冒臨陣退賽

歌手楊千嬅、雨僑、林奕匡、羅孝勇等昨晨出席一個十公里長跑賽事,本身報名參加三公里賽事的千嬅因感冒而取消跑步,但都有親身到場參與開幕及鳴槍儀式,千嬅說:「天氣反覆令氣管受影響,等好番先再參加比賽。(將會帶囝囝Torres一齊跑?)一定會,佢都有運動細胞,識得打觔斗。」千嬅更爆囝囝遺傳了老公丁子高的性格,經常整蠱人,又貪靚,她笑說:「佢依家會chok住影相唔望鏡,費事人哋以為佢視力有問題啦!」

戴上護膝及貼上運動肌肉布的雨僑透露,因膝蓋受傷只能慢跑,不會勉強自己,談到之前蘇志威空肚跑街馬暈倒送院,雨僑說:「我有食早餐同做足熱身運動。(男友羅力威有冇關心你?)佢叫我慢慢跑,佢話因為我跑得快同慢都冇人會發覺。」