黃翠如蕭正楠唔吼半山樓盤
密實上陣的黃翠如昨晚出席無綫《萬千星輝睇多D》宣傳劇集《愛情來的時候2》，她透露有份參演的黃浩然是重演當年電影《孤男寡女》中有錢仔Roger一角，劇中會坐電單車型爆出場，更自爆拍檔是其兒時偶像！翠如與男友蕭正楠一起受訪，問翠如可會擔心男友吃醋？在旁的蕭正楠說：「我都係睇浩然啲戲大，佢風靡咁多女仔，我都戥佢開心！」
提到父親的建築公司上市，股價大升大跌成為城中熱話，翠如坦言受困擾：「我哋冇買，所以股價升跌對我哋嚟講係零意義。」外界以為翠如及蕭正楠成為富豪，紛紛落力介紹樓盤，蕭正楠說：「最近收到個億幾嘅筍盤，就算我簽100年無綫都冇咁多錢畀首期啦！只係大家錯覺，我哋並無持有任何股份!」而翠如則強調:「爸爸雖是股東，其實任何股東都要喺一段時間內唔可買賣股份，為免誤會要講清楚，免得再有咩半山樓盤問我哋睇唔睇！」