Ana R.餵人奶瘦得快 超高衩玩「股」惑

名模Ana R.昨日出席護膚品活動，穿上超高開衩裙的她大玩「股」惑兼騷長腿，她行上台時，長裙的大髀位置中門大開，露春光玩「股」惑，她立即醒目地用手按實裙邊！她表示忙於湊小朋友及餵人奶，所以瘦得快。問到會否再生多個？她表示下胎想生仔，但老公未準備好。提到女兒Maya已經五個月大，Ana透露女兒識擺姿勢，又對鏡頭敏感，不排除將來做模特兒，但大呻Maya黐老公：「Maya見爸爸就瞪大對眼，好開心，我都妒忌，所以想生仔黐我，不過老公要做嘢，見親個女都係同佢玩，個女見我都係幫佢餵奶換片。」問到女兒懂得叫爸媽未？她表示只懂BB話，大約要七至八個月先識。