宅男女神陳瀅昨日到尖沙咀出席活動，身穿背心裙的她俯身向大公仔獻吻，並即場跳布甸舞，引得龍友狂影！她甜笑承認男友何猷亨曾送贈公仔，問到對方有否將自己的肖像貼在公仔上？陳瀅即笑說：「嘩！好古怪喎！呢招唔Work！攬得唔舒服。（如果佢送自己嘅人形攬枕畀你？）古怪呀！（攬真人？）兩樣都唔要啊！」她又透露將在TVB新劇《全職沒女》中有性感演出：「要着大Deep V！（美胸？）唔使，本身都OK！最多加吓墊。」
