糖妹斟茶煮麵冧仔

歌手糖妹早前為其代言的按摩椅拍廣告，她透露酬勞是開心價，問會否希望找到男友為自己作人肉按摩？她笑言：「如果以後有男友，叫佢坐按摩椅得啦，唔使自己用力，我就去斟茶、煮麵畀佢食咪得。」糖妹揚言恨拍拖，慨嘆身處娛圈較難找對象：「我哋做嘢成日都換人，想搵個監製男友都冇乜可能，（家人冇催？）佢哋之前已經單打完我一輪，依家見到我咁忙都唔忍心。」糖妹續透露近來忙於拍無綫劇《幕後玩家》，並會錄製廣東歌，希望有機會開屬於自己的迷你演唱會：「我想開騷先，由新年忙到依家，所以未有時間拍拖，為咗第時小朋友嘅將來，我要努力啲工作，要諗長遠啲。」