劉嘉玲讚白只夠惡

女星劉嘉玲、林夏薇及陳展鵬等前晚現身香港大會堂，為「第二十五屆香港舞台劇獎頒獎禮」擔任頒獎嘉賓，曾奪「最佳女主角」的嘉玲，為今屆得獎者余安安送上獎座。去年曾演出六十場《杜老誌》的嘉玲，笑指演舞台劇會上癮，預計明年會再演出。嘉玲期望能與更多舞台劇演員合作，更點名大讚於金像獎奪「最佳男配角」的白只，她說：「希望多啲人睇舞台劇，香港其實有好多好嘅舞台劇演員，但係佢哋呢一群唔商業化，好似白只係好有功力嘅演員，做到《踏血尋梅》個角色出嚟。（對白只評價好高？）因為好驚喜，白只同春夏都係好惡嘅演技，意思係好瞓身演出。（想唔想同白只合作？）想同多啲舞台劇演員合作，上次做舞台劇佢哋教咗我好多，佢哋節奏、演出掌握得好準確，如果電影、電視都有咁嘅訓練會好犀利，做完舞台劇都覺得自己演技昇華咗。」