囝囝張瞻踩場 側手翻贏晒

謝安琪（Kay）的八歲半囝囝張瞻，前晚帶同一班跳舞鄰居兼朋友上台與母親齊齊跳街舞。穿上露腰裝的Kay與一身Hip Hop打扮的張瞻分成兩隊鬥舞，雖然Kay明年踏入四字頭，但仍有氣有力雙手撐地轉身，期間更將屁股向住觀眾。而有舞蹈底子的張瞻在台上施展渾身解數，輕易轉地及打側手翻，最後以「母子檔」擺出倒立V腳姿勢，搶盡風頭！一直甚為保護囝囝的Kay事後受訪時謂：「上台表演係佢（張瞻）要求，佢問我呢個台係咪勁，我答佢係歌手心目中好神聖同光榮地方，之後佢話想試吓。其實台上啲小朋友係鄰居嚟，同埋大家一齊有跳舞。」