張舒雅變宅冇人追相睇怕醜
家族經營珠寶生意的前港姐冠軍張舒雅，昨日出席仁愛堂就職典禮捧榮任總理的媽咪梁絢霞場，以低胸連身裙上陣的張舒雅成為全場焦點！現時單身的她大嘆沒有追求者，更大爆媽咪因擔心她冇拍拖欲安排相親。
前港姐冠軍張舒雅昨日身穿黑色低胸露肩裝性感上陣，現身仁愛堂董事局交代就職典禮，支持母親梁絢霞首次榮任新一屆總理。已退出幕前的張舒雅無論身形、外貌依然保養得宜，問她可有考慮復出幕前？她說：「冇，都咁多年，其實我對拍劇從來冇乜興趣，而且都冇人搵我返去拍劇。」她透露現正在父親的珠寶公司幫忙，但無意從商，只屬幫手性質。
自認男仔頭
談到感情生活，張舒雅表示目前單身，自言沒有追求者，她說：「我好少出街，多數喺屋企，我朋友好多，異性朋友都多，但我好男仔頭。（以前成日畀人影到夜蒲？）依家冇夜蒲喇，年紀大。（修心養性？）都係。」張舒雅又指父母沒有催她拍拖，但母親經常見她一個人，會擔心，有意為她安排相親：「媽咪試過為我安排相睇，但係唔成功，因為我唔想，佢提起，我覺得好尷尬。（恨唔恨拍拖？）唔恨，因為好難搵到一個人，好過我屋企人對我。」
揀男友隨緣
問到擇偶條件是否要生意人？張舒雅笑笑口說：「唔知呀，隨緣。（要有經濟能力？）哈，唔使。（唔使一定有錢？）唔使，鍾意就得。」
文：名人組