李泳漢想囝囝似祖狄羅萬人迷
藝人李泳漢於今年1月與拍拖兩年的圈外女友嚴佩鈺（Conny）奉子成婚，更加開心的是一索得男，太太預產期為今年6月，已安排剖腹產子。趁BB在媽咪肚裏七個多月大時，兩公婆齊齊影了一輯大肚寫真作留念。相中見泳漢摸住太太的巨肚又攬又錫，其中一張更是泳漢用鼻尖輕輕貼在太太的肚子上，似向肚中的囝囝說話，一家三口十分溫馨！
入產房陪分娩
快將榮升爸爸的泳漢，坦言現時心情非常緊張，時刻都期待着囝囝出世：「因太太佗BB時成日腰骨痛，同醫生商量過最終決定開刀，到時我會入產房陪太太，睇住BB出世，留喺太太身邊支持佢。依家囝囝超級活躍，經常踢媽咪個肚周身郁，好得意。」他透露已為囝囝改了英文名Alfie，因為他喜歡電影《型男阿飛》（Alfie），覺得戲中的男主角祖狄羅（Jude Law）靚仔又有型，所以希望囝囝長大後都靚仔，多女埋身受女仔歡迎。
勒令老婆停工
為了囝囝出世後有更大活動空間，泳漢表示屋企會進行大裝修，兩公婆會搬往酒店暫住，BB用品亦買了很多，可以用到囝囝兩歲。由於Conny開市場推廣及活動策劃公司，工作繁忙， 所以泳漢勒令太太產後停工休息幾年，自己將孭起成頭家，令太太冧爆！
文：追蹤組