朱智賢晒32C呃Like冇難度

無綫主播朱智賢（Ashley）擁有32C、23、35索爆身材，加上身材高挑擁43吋長腿，2013年參選港姐時曾一度打入熱門之列，但最後無奈落選。直至上月她穿泳裝亮相J2旅遊節目《3日2夜》，再次勾起網友「心跳回憶」，Ashley被封為新咪神。短短一個月間，她的Instagram暴升逾萬名Fans，每上載一張相都有約千個Like，絕對唔嘢小。

事業好先嫁人

早前Ashley到泰國旅遊，與將出嫁的女友人婚前狂歡，幾位女生換上泳衣享受日光浴，Ashley繼續大晒噴血身材，雖然沒有Close Up事業線，但超長腿及纖腰已足夠令Fans心心眼。Ashley又與友人扮成公主開P，靚女外出即引來外籍人士搭訕。她說：「佢話見到我朋友頭上有皇冠所以走埋嚟，但我哋話佢老公喺酒店，佢以為我哋同行有男人，即刻無奈咁速閃。」對於相識十多年的好友結婚，Ashley亦自認對婚姻有憧憬，但暫時以事業為先，希望做出成績才嫁人。

擁32C上圍及43吋長腿的朱智賢，身形真係無敵。	朱智賢的白滑玉背亦非常吸睛。	朱智賢青春可人，勁Cute。

唔抗拒泳衣騷

網上人氣急升的Ashley直言工作量大增，更開始有機會拍劇：「好開心多咗客戶賞識，近排出街都多咗人認得，去食嘢、搭車有市民叫到我個名同要求合照。」但Ashley近期甚少上載騷胸相，反而多數晒腿。她笑說：「巧合啫！不過都唔想晒胸晒得咁密，咁長腿都係優點吖嘛！（夏天會接泳衣騷？）唔抗拒嘅，最緊要意識健康。」

文：影視組