廖碧兒打對台 三角關係似有還無
廖碧兒及周家怡昨日在佐敦為ViuTV劇集《瑪嘉烈與大衛系列綠豆》接受傳媒訪問，提到網民反應熱烈，她們受訪時表示很高興，家怡說：「幾開心佢哋接受呢個拍法，覺得好有Feel，好新鮮！」提到晚上11時播放的《瑪》劇播放時段較夜，家怡指效果反而更佳：「我覺得呢個時段睇，大家可以專心啲，因為食飯睇你會分心，我哋唔係咁多對白。」
對於無綫的OTT平台「myTV SUPER」聲勢浩大，問到可會感到受威脅？碧兒直言未有太大感受，認為演員應該專注拍劇：「收視嘅嘢我哋控制唔到，大家睇得開心，有反應又覺得新鮮，我哋就開心。」她又認為《瑪》劇將人與人之間的感情描述得很細膩：「你話係咪有三角關係？又未必，只係一種感覺，你又知我又知，但唔會出聲，寫得好真！」
至於因工作缺席活動的林保怡接受電話訪問，他認為娛圈百花齊放是好事：「最緊要有實力，唔怕競爭。」又透露拍《瑪》劇時有壓力，見劇集反應佳即放下心頭大石。