無綫內外包抄電視大戰

電視大戰打得如火如荼，新電視台加入戰團，無綫方面亦嚴陣以待，出招迎戰，務求在電視業內凸圍而出！無綫全新OTT服務「myTV SUPER」電視盒子本月18日正式啟動，無綫將總動員於周日晚舉行直播節目《萬千星輝睇多D》推介新服務，又安排播映大批中、日、韓新劇、自家製經典劇及亞視經典劇，方便觀眾大包圍「煲劇」，同時狙擊新開台的ViuTV！無綫期望在異軍突起的電視版圖中搶佔席位，更務求吸引全部觀眾的視線。

Baby處女作見街

當中的韓劇台重點推介韓國下周才播出、由池晟和惠利主演的《戲子》，更有由金泰希和周元主演的《龍八》（前名《龍八夷》）等；日劇台則推出由日本新一代女神有村架純及高良健吾主演的《思戀哭泣》（前名《何時想起這段戀愛也會哭》）及桐谷美玲主演的《逆齡初戀》等；而在華語劇台播出的《羋月傳》，是孫儷繼《甄嬛傳》後令人極為期待的作品，另一套重點作則是《大漢情緣雲中歌》，當中首次演電視劇的Angelababy透過助手回覆：「近年除了拍電影外，年前拍《大》劇係初嘗之作。拍攝期間好開心，知道喺香港播就更開心，可以畀觀眾睇到我嘅電視劇演出，希望大家鍾意！」

黎耀祥煲劇嗒友情

至於無綫自家製的經典台亦推出黃金組合，當中包括《溏心風暴》、《烈火雄心》及《大太監》等劇，有份演《大》劇的視帝黎耀祥和視后胡定欣，昨日受訪時得知可以在「myTV SUPER」電視盒子點播此劇後大為興奮，定欣說：「呢套劇係四年前拍，當時我仲有幾分少女(o架)！佢同之前播完嘅《公公出宮》唔同，《公》劇中我比較霸氣，可以話係唔同階段。我、黎耀祥、蕭正楠、陳國邦同黃浩然呢個班底都拍咗幾套劇，好似較早有套時裝嘅《名門暗戰》，民初劇就有《公公》同依家播嘅《大太監》，已經係三個年代，可以話係全套，觀眾識睇就要睇番全套！（會捧自己場？）實會，但係我都好想煲《羋月傳》！」祥仔則笑說：「我哋呢個班底就係始於《大太監》，一齊去咗橫店拍咗個半月外景，睇番套劇都有好多美好回憶！嗰時定欣都未係視后，可以睇到佢唔同階段嘅演出，同埋我哋份友情，好值得重溫！」

此外，在OTT服務中，無綫將推出亞視經典劇點播，當中有由甄子丹主演的《精武門》、已出家的黃元申的作品《大俠霍元甲》、由米雪和劉松仁主演的《萍蹤俠影錄》及黃造時、魏秋樺主演的《白髮魔女傳》等，在懷舊劇中再顯風範！

文：影視組