等畢業拍《EU》續集
無綫藝員朱千雪（Tracy）、袁偉豪（Ben）及譚凱琪（Zoie）等前晚於尖沙咀出席無綫劇集《EU超時任務》祝捷會，Tracy笑言今次由正身處越南拍劇的監製林志華「隔空」埋單，等王浩信返港後再開香檳慶祝。提到該劇結局引起觀眾議論，問她與Ben會否寄望憑該劇於台慶頒獎禮奪獎？Tracy表示會與Ben互相支持。問Tracy眼見劇集反應佳，若開拍續集會否擱置讀書計劃？她指將於年底畢業，屆時要監製等她再拍續集。
提到Ben於劇中扮演奸角而獲網民讚賞，他坦言嚇窒女友岑杏賢，更慘被對方罰「冇得錫錫」：「咁奸一面未畀佢睇過，我平時對佢好溫柔，佢睇完結局當晚就冇得錫錫，冇good night kiss！」
同場晒腰的Zoie透露剛從越南拍畢無綫新劇《致命復活》戲份返港，她對於憑《EU》獲獎沒想太多，得到觀眾回應已經感到開心，更渴望能開拍續集。
