翁嘉穗嘆打機有reset 生命冇take2

前港姐翁嘉穗作為兩子之母,對於早前學童輕生事件,她認為值得研究探討,若小朋友沉迷打機上網玩遊戲,會誤以為生命可以重來,故她認為父母要同子女有緊密溝通,令小朋友明白生命絕冇take 2。

昨日翁嘉穗隨夫婿鄔友正出席「未來領袖峰會暨社會關愛企業計劃頒獎禮」,獲頒綠色社會關愛卓越獎及社會關愛獎兩個獎項,對老公旗下兩間公司「海馬」及「軒琴居」齊齊獲獎,翁嘉穗大感榮幸。

去年翁嘉穗再做媽咪,誕下的細仔Kaspar現在剛剛十個月大,大仔和細仔年紀相差十五年,她坦言對育兒自有心得,向來提倡環保的她,會教兒子不要浪費食物以及關心社會:「小朋友需要大家關心,(留意早前發生學童輕生事件?)會多啲同小朋友傾偈,小朋友打機上網有自己嘅世界,所以就算幾忙都要騰出時間同佢哋傾偈,唔好成日鬧同逼佢哋讀書,要聽吓小朋友想點。」她亦認為網上遊戲或會帶出錯誤訊息:「小朋友打機時會覺得生命可以重來,會覺得死咗就下次再玩過,咁係唔啱。」所以希望小朋友認識生命的珍貴。

蔡冠深獲領袖獎

同場新華集團主席蔡冠深獲亞洲社會關愛領袖獎,他透露本身有兩個基金,做基金逾30年,致力推廣教育、科技及文化,早前更在英國做創意產業以及在越南做文化交流:「希望全世界建立文化中心,未來會去日本加強孫中山文化、加拿大訓練青年領袖和北京做電影學院推廣。」

而身為香港中華基金會主席方劉小梅,成為新任社會企業研究所理事會的副院長,其從事酒業生意的兒子方仁寛亦有出席撐場,方太表示理事會對環保科技多元化貢獻,有多元化學習,揚言理事會對社會全世界好緊要,笑言要好畀心機做。

文:名人組