SG驚遇奮露鳥！HeidiO嘴尖叫Aka(目及)完唔認

組合Super Girls（SG）成員Aka、Yanny、Heidi和Jessica以及同門師妹余香凝、陳詩欣、藝人廖子妤等前晚到蘭桂坊出席曾志偉的慶生P，臨入場前竟有洋漢在她們面前High爆除褲騷「洋槍」，嚇得眾女魂飛魄散，其中Heidi即時「O嘴」尖叫擰轉面，表現驚青。而該露械男在四女衝入場「避難」後，仍然繼續與友人開心夜蒲，更高舉雙手引人影相，非常得戚！

Yanny望一眼就走

嚇到花容失色的Heidi事後接受訪問，她直指當時見該老外衝過來已心知不妙，更一度以為對方想施襲，豈料該男忽然露械，她炮轟謂：「之後見到嗰個外籍男士繼續同朋友喺度笑，感覺好唔尊重，今次係第一次見到呢啲情況，希望以後都唔會見到。」而冷眼面對的Yanny反指場面搞笑：「但唔想笑出嚟，好似表示好認同咁，所以我叫自己唔好畀任何反應，我見到佢pat pat，望一望佢就走喇。」

洋漢突然露體並跳起，嚇得Super Girls及眾女反應不來。 Aka：我乜都睇唔到	Yanny我見過「蘿蔔乾」啦！	廖子妤眼凸凸：佢好多毛

Cheronna呻走寶

強調自己「乜都見唔到」的Aka說：「我一直冇望下面，視線一直向上，個心好驚。」不過記者所拍的照片「出賣」了Aka的視線，她無奈地說：「我真係乜都見唔到o架！」並補充指四人反應慢，不懂反應！而廖子妤就指露械男pat pat好多毛！

Cheronna笑言Miss咗唔開心。	Super Girls昨日錄影節目，其中Yanny（左）表示小學時已見過露體狂，下體狀似「蘿蔔乾」！	王敏奕、曾國祥

而在事件發生前，壽星公志偉的兒子曾國祥和女友王敏奕以及周柏豪、蔡卓妍、盧海鵬、苗僑偉與太太戚美珍、錢國偉等已一早先後到場，避過一場視覺污染。

另外，SG昨日到牛頭角拍攝ViuTV節目《煮畀BB食》時，談到前晚目睹老外露械，表現Cool爆的Yanny自言小學已遇見露體狂，更笑指對方下體似「蘿蔔乾」。至於前晚缺席的Cheronna大呻錯過事件：「唔開心我Miss咗，因為想睇佢哋（SG）個表情。」

文：影視組