王浩信開心爆喊 朱千雪：辛苦都值得

王浩信、朱千雪、袁偉豪主演的無綫劇《EU超時任務》上周日大結局，平均收視29點，最高30點，暫時成為今年大結局平均收視最高的劇集。《EU》播映以來備受好評，劇中演員都獲網民激讚，浩信飾演村長角色入型入格，譚凱琪更成為網絡女神。

想拍續集

身在越南拍攝另一部劇的浩信、監製林志華等收到消息後大表興奮，浩信更直豎拇指，坦言開心到喊。他謂：「我喺越南睇大結局，再睇番網民嘅留言，真係好感動。諗番起拍呢套劇時真係好辛苦，付出咗好多，好多謝觀眾。至於續集，我當然想拍，大家咁有默契，合作得好開心。」

女主角朱千雪首次飾演性格硬朗的沙展，她憶述拍此劇時，每日幾乎只睡個半小時。她說：「有次揸車返屋企喺停車場瞓着咗，瞓醒原來已經夠鐘開工，不過辛苦都值得。」她又指與浩信拍攝時忍笑最辛苦：「浩信用圍頭話同我鬥嘴，加埋佢個造型，真係好難忍，成日忍唔到笑而NG，真係要講sorry。」對於收視報捷，千雪表示未試過拍一套劇，播完未夠一分鐘便不斷收到留言，證明很多人追看，更指此劇是她入行以來收視最高。

朱千雪首次擔正女主角便有高收視，心情當然興奮。	王浩信得知劇集結局多人睇，即直豎拇指。	王浩信（左起）、監製林志華及譚凱琪於越南，齊齊率先慶祝。

預先慶功

監製林志華表示返港後會與演員搞慶功，更笑言昨晚收工後與浩信預先慶祝。提到網民除激讚浩信外，袁偉豪的表現亦大躍進，林志華謂：「係，今次係佢第一次做奸角，多謝多位演員信任我。（拍續集？）都想，睇吓公司點啦。」有份參與此劇的劉佩玥亦開心表示：「自己好鍾意個劇本，我相信佢哋都密謀緊搞慶功，等佢哋返港再決定。」另外，首集已高開的《愛．回家之八時入席》收視繼續上升，平均25點。

文：影視組

服裝：bread n butter