歌手丁悅昨日到電台宣傳，並透露日前拔除智慧齒：「隻牙太貼神經線，醫生話一定要剝，因為隻牙打橫生。問過醫生有冇風險同會唔會面癱，佢話都有呢個可能，仲話會影響唱歌。」雖然手術成功，但傷口翌日便發炎，她說：「第二日腫到好似含住隻蛋咁！（有冇影相？）有影，不過過唔到自己嗰關，唔敢上載。」
她又自爆現時說話會漏風及黐脷筋：「醫生話冇影響神經線，但我覺得有，因為冇咗味覺，同埋右邊面有少少麻痹。」問到可有影響工作？她說：「嚟緊有商演，驚唱唱吓爆血！」
