任賢齊拍戲跑馬拉松
影星任賢齊、林家棟、陳小春及杜琪峯等出席電影《樹大招風》慈善首映，小齊搞笑自爆在戲中「收柯打」演出連場狂跑戲份，笑言似參與馬拉松：「跑馬拉松咩？跑咁多同跑咁遠，之後導演講驚拍漏鏡頭，所以（沿路）擺咗好多鏡頭，佢話依家唔使燒菲林，叫我盡跑！」
家棟指今次首度與小齊及小春合作，加上電影由新導演執導，感覺新鮮。談到片酬，他稱只是象徵式收取：「錢唔係首要，拍到觀眾鍾意嘅就好。（幾位數片酬？）你想知就查吓我巴拿馬公司，講笑，我冇資格喺嗰度開公司，片酬就意思意思，今次由新導演拍，呢幾年我未試過拍到咁High！」
