孖Bosco谷戲互窒金剛怕變遺作啋！
藝人黃宗澤（Bosco）與金剛前晚在將軍澳電視廣播城錄影無綫節目《今日VIP》，宣傳新片《刑警兄弟》。Bosco透露電影早於2013年拍畢，至本月底才上映，笑言起初擔心電影會脫節，但看過預告片後覺得沒有問題，金剛聞言即搞笑地說：「最擔心係佢（指電影）走先定我走先，如果我走先就變咗遺作！」
講到電影笑點，Bosco自爆有剃腳毛和心口毛的AV女優造型：「剃心口毛時仲剃損咗，因為好少剃嗰個位！」金剛則自爆於片中會做「男人寂寞時要做的事」：「個心理壓力幾大呀！」Bosco即抽水：「因為你從來冇孤單過，晚晚都有嘛！」二人你一言我一語，爆笑非常。