諸葛捧小鮮肉 揼本無上限

雖然唱片市道不景氣，投資在新人歌手身上難回本，偏偏星韜國際娛樂公司主席諸葛紫岐（Marie）無懼蝕本風險，昨日舉行「星韜之星 理想歌手音樂比賽」總決賽挑選樂壇生力軍，旗下「四小花」呂晶晶、莊端兒、黎美言（Winkie）及黃倩婷亦有到場幫眼。

數百人爭六席位

Marie表示舉辦歌唱比賽志在發掘有才華的人，又指沒有想過會吸引數百人報名：「諗住淨係東南亞嘅，但都有美國、加拿大嘅人參加，好多我都鍾意，最後揀咗6個人入呢次總決賽。依家好多歌手因為一啲因素而放棄唱歌，希望透過呢個比賽畀個平台佢哋，有日如果佢哋上台攞獎嘅時候話係嚟自星韜，我就覺得好滿足！」她更謂已簽了多位優質小鮮肉，但未肯透露人數：「總之係好鮮肉啦！」

冠軍曾傅君唱得咁投入，抵你攞第一！	馬國代表 黃麗慧	來自加國的鄭富安及馬國代表黃麗慧表現淡定，分別奪亞、季軍。

提到投資新人歌手風險高，Marie並不擔心：「大家行嘅路線唔同，會幫佢哋度身去做，同埋會帶佢哋去北京、新加坡做騷同訓練，所以平台係有嘅，睇公司點樣去鋪排。」問到投資金額？她坦言投資無上限：「值得做就去做，唔想埋沒佢哋嘅才華！」

「四小花」心急合作

而「四小花」表示不擔心有新人會分薄資源，又笑言想與小鮮肉師弟合作。問到屆時可會爭仔？Winkie即說：「好難講，但我單身所以可以揀先！」比賽最後由香港參賽者「嫩版蔡一傑」曾傅君奪冠，來自加拿大的「翻版王大陸」鄭富安得亞軍，季軍是來自馬來西亞的黃麗慧，而台風獎就由香港的廖嬿詠奪得。

文：音樂組

攝：司徒國榮