翠如工作狂邊得閒嫁楠友
無綫「金童玉女」蕭正楠（Edwin）與黃翠如於鏡頭裏外經常打情罵俏，最近更於新劇《幕後玩家》中飾演夫妻，攞正牌開工拍拖。談到敖嘉年結束愛情長跑玩秘婚，翠如接受電話訪問時坦言自己沒有計劃過，又指秘婚雖然浪漫，但工程浩大：「暫時都係做嘢先，人生大事邊得閒諗，仲點會諗埋個過程！」
昨日，翠如與Edwin到中環為《幕》劇拍攝「講數」場面，她透露因角色太自私而令男友傷心：「佢話唔想見到我！」問到連日開工會否對到厭，翠如自爆一開工便當男友是另一個人：「呢排都唔記得佢叫蕭正楠！」至於會否怕如方力申與鄧麗欣般因演戲而影響感情，翠如直認有壓力，Edwin則笑言分得好清：「拍嘢就好嬲佢，收工就好錫佢。（咁即場錫佢啦！）畀啲時間我冷靜吓！」
