戴凱欣大讚男友順得人
四洲太子女戴凱欣與上海金融才俊男友樊林爽去年四月拍拖，隨即打得火熱，短短一年兩人已獲雙方父母認同，朋友公認，有意拉埋天窗。她坦言異地戀其實並不容易，尤其男友在港人生路不熟，卻肯陪她出入見朋友，大讚對方：「唔係個個男人都頂得順。」
四洲太子女戴凱欣（Kennis）與上海金融才俊樊林爽（Justin）去年一拍即合擦出愛火，由朋友演變成戀人。Justin雖然長住上海，但只要他一在港，便會孖實女友出席活動，實行做跟得男友。不少社交場合中常見兩人如連體嬰黐到實，Kennis坦承與對方一起很開心，是唯一一個令她有結婚衝動的男人：「佢喺香港連一個朋友都冇，但好努力融入我個圈子，唔係個個男人都頂得順。」
異地戀不容易
對於異地戀，Kennis認為雙方都要付出：「因為佢喺上海，我喺香港，一定有文化上差異。男友都係香港、上海兩邊走，一半一半時間。我有時間就會去上海，但搭飛機又冇咗半日，試過航班delay三個鐘，好嘥時間。（將來結婚打算住邊？）我哋未傾，呢個問題好睇雙方。（過上海住？）我冇乜所謂，未喺上海長住過所以唔知，對我嚟講邊度都冇所謂，上海都唔差，冇乜大影響。」
陽光海灘出嫁
本月是兩人拍拖一周年紀念，已有結婚計劃的Kennis，憧憬在一個陽光與海灘的地方行禮，與最好的朋友一同分享喜悅，希望秋天結婚。
文：名人組
化妝及髮型：Ryan Chiu
化妝助手：Michelle Wong