Shiga浸凍水4粒鐘變「皺皮雅」

歌手連詩雅（Shiga）日前為新歌《血一般紅》拍攝MV，Shiga以幾乎全祼的姿態浸浴浸足4小時，而拍攝當日氣溫只有14度，令熱愛浸浴的Shiga都大叫怕怕：「一開始真係好凍，慢慢適應咗溫度之後，就發現原來冇想像中咁舒服，冇諗過要浸咁耐，拍咗一個鐘之後開始皺晒皮，拍完手腳都麻痹晒，我諗我有排都唔敢再浸浴喇！」Shiga更戴上超短假髮，她笑言似足男仔。另外，她又與外籍男Model咬耳仔，工作人員都笑她面紅紅相當怕醜。