黎耀祥恨咀嘴毛舜筠笑鹹濕

藝人黎耀祥、毛舜筠、陳國邦、湯盈盈和郭少芸等，昨日聯同無綫助理總經理杜之克，在將軍澳電視廣播城與一班處境劇《愛．回家之八時入席》台前幕後工作人員慶祝首集收視高開，最高收視30點之餘，平均收視亦有29點，觀眾收看人數達193萬。

誘着泳裝慶祝

談到首集創此佳績，毛舜筠坦言當初沒有想過：「原來觀眾咁多年都期待我哋再合作！」祥仔就笑言自己是叨對方光。問會否着泳衣慶祝，毛舜筠即笑住叫祥仔着先，更大爆對方正積極操弗，又謂自己出名瘦，令男方反擊說：「佢出名好身材！」毛舜筠就指祥仔常問她幾時可以咀嘴：「你睇平時佢啲樣、眼神都暴露晒佢幾鹹濕！」更笑稱會向黎太投訴。至於幾時先會錫？祥仔就收起「猴擒」說：「再高（收視）先算！」會否怕收視後勁不繼，他們就指會繼續努力做到最好。

黎耀祥（左起）、無綫助理總經理杜之克、毛舜筠和陳國邦齊齊舉杯慶祝。	一班演員合作愉快，齊齊自拍留念。	湯盈盈對新劇收視感到滿意。

陳國邦感驚喜

陳國邦也直言得知消息時非常驚喜：「真係估唔到！」會否叫老婆羅敏莊（Mimi）加入劇組？他謂暫時不會，因老婆主力湊囡囡陳禛，間中唱歌和做司儀：「囡囡受咁多讚賞，Mimi落咗好多工夫，Play Group老師又係佢，媽媽又係佢，保母又係佢。」談到老婆和囡囡的有線旅遊節目獲好評，他直言非常欣喜囡囡為觀眾帶來歡樂。

另外，《愛．回家》上周大結局，平均收視23點，達149萬觀眾收看，最高收視25點。至於周日直播的「第三十五屆香港電影金像獎頒獎典禮」，最高收視27點，平均24點，比往年高1點，有156萬觀眾收看。

文：影視組