樊少皇叫JJ有咗照拍打戲

樊少皇設計的腕錶，錶底有「FJ」字樣，是他與JJ的名字縮寫。

昨日樊少皇跟JJ夫妻檔出席萬希泉觀瀾湖專賣店盛大開業活動，期間更展示由樊少皇設計的「齊天大聖」陀飛輪腕錶，品牌創辦人沈慧林與母親亦有到場，他表示稍後會在內地如北京、福州及上海等陸續開店，拓展業務。少皇與JJ擔任剪綵嘉賓，更各自獻唱一首歌曲助興，現場有舞獅祝賀，吸引逾百途人圍觀，場面熱鬧！

為生B冇節食發福

問到是否夫妻檔努力吸金？JJ說：「都唔係，結咗婚都有一齊出過嚟，不嬲都係咁，其實我覺得結咗婚冇乜大分別，只係註冊同冇註冊。」談到日前她在網上張貼發福照，引來網友恭喜她有喜？她即反問記者說：「你覺得我肥唔肥吖？冇好消息，只係我真係肥咗少少，（有冇計劃生小朋友？）其實都開始準備，所以點解我肥咗就係咁原因，因為依家冇節食，鍾意食乜就食，隨時ready。」在旁的樊少皇笑說：「順其自然啦，唔係話有就有，想要仔就仔，女就女，最緊要唔好有壓力，佢又擔心如果接咗戲有咗點算？」JJ聽罷即撒嬌說：「我嚟緊拍戲要打，我問佢如果有咗點？佢竟然叫我照打，話有5、6個月都照打。」

樊少皇設計的腕錶，錶底有「FJ」字樣。	沈慧林（左三）拓展業務至深圳觀瀾湖，現場更有舞獅助興。	沈慧林與母親見證品牌新發展。

錶底「FJ」有意義

此外，樊少皇表示花了大半年時間設計腕錶，錶底特別刻上「FJ」代表他與太太的名字縮寫，同時「FJ」亦是二人的工作室，腕錶是首個設計系列，稍後JJ也會加入設計女性用品，JJ笑言第一個要設計的系列就是內衣。