劉錫賢清水灣奮戰 林建明盼亞視重生

效力亞視28年的劉錫賢日前偕前亞姐筱靖，為《東網巨星》拍攝節目《尋找消失的亞視》，走訪亞視大埔總台、廣播道舊址、蠔涌片場及清水灣製片廠，回顧亞視昔日的光輝歲月，而林建明及蔡國威也現身說法大談喜與悲。

入麗的戀麥當雄

1973年林建明參加亞視前身即麗的電視舉行的《沙灘小姐》奪冠，因而踏入娛圈，林建明直言「冇亞視冇我」外更自爆戀事：「入行第一段戀情都喺呢度誕生，諗起都好sweet！」她所指的就是與名編劇及監製麥當雄的戀情。

之後林建明轉投無綫，並再回流亞視，為《今日睇真D》等節目任主持，因亞視可圓其主持夢，她說：「喺無綫成日做綜藝節目同趣劇，好開心亞視畀呢個機會我，酬勞仲係我以前嘅10倍以上！」可惜因發生冧布景板意外，令林建明腦震盪及退出娛圈。提起亞視將成歷史，她哽咽說：「令人難過，點解政府唔喺有事時快啲處理？點解會搞到一塌糊塗？我真係好憤怒！希望置諸死地而後生！舊嘅去咗，新嘅快啲嚟！」

廣播道舊址 林建明在亞視廣播道舊址，現改建成豪宅的門外受訪，憶起不少往事。	廣播道舊址	談到亞視將消失，林建明感觸落淚。

至於在亞視打滾20年的蔡國威，自爆經濟曾出現問題：「做咗5、6年路人甲乙丙，有諗過放棄，情緒又唔好，最高峰欠10幾萬卡數。」蔡國威說現在經濟能力尚可，但唯一疑問是：「希望搵到好歸宿，可以喺演藝路上繼續爬，唔知係咪可以夢境成真！」

蔡國威拿着亞視廣播道廠模型緬懷。	蠔涌片場	清水灣製片廠 劉錫賢帶筱靖走訪蠔涌片場及清水灣製片廠。

筱靖當娘家彩虹

而在亞視工作8年的筱靖，自言初時得悉亞視熄機不禁落淚：「當年我一個人嚟香港，所有認識嘅人都喺亞視識，對亞視感情係永恒。選美時我講過，要為人生畫一道彩虹，亞視係一道彩虹，冇亞視冇筱靖。」在亞視工作28年的劉錫賢指，在清水灣製片廠拍《碧血青天楊家將》時，監製楊紹鴻下令所有演員不得離廠：「喺化妝間擺咗好多休息櫈，當時陳秀雯、呂頌賢等全部唔畀離開，拍完要去休息室，夠鐘再上去拍，來來回回奮鬥咗兩星期。」

採：影視組　

文：專案組