林保怡難忘與周家怡同床

藝人林保怡、周家怡、廖碧兒等，昨日為ViuTV的連續劇《瑪嘉烈與大衞系列 綠豆》宣傳。男主角保怡表示已開工數天，但下月11日將播出頓感壓力：「呢個製作係好新穎嘅電視劇，好真實。」他更謙稱係掛着「學」字的新牌仔，對於劇中與家怡的扯鼻鼾情節，最為難忘兼搞笑：「講我同家怡啱啱同居，點知咁靚嘅女仔原來好大鼻鼾，我就接力幫佢扮扯鼻鼾，扯到好似窒息咁，好搞笑！」