杏兒貪靚失手微露「缽仔糕」

胡杏兒昨日以露背貼身裙於九龍灣出席樂視活動，期間不慎失手露「缽仔糕」。問到杏兒是否要keep住做索爆人妻？她笑言即使日後生B亦要努力靚，稱打扮性感不需問准老公：「佢慣o架喇！」提到楊怡與羅仲謙拉埋天窗，杏兒戥二人開心，又睇好「胡說八道會」成員姚子羚及胡定欣等「叫胡」待嫁。問她會否擔心被楊怡「爬頭」生B？杏兒說：「唔驚，開心事嚟，叫咗佢請埋我飲，等佢張帖。」記者祝福杏兒早日生B，她拍拍肚皮謂：「我會努力o架喇！」