郭晉安懶拖篋叩門求零食

藝人郭晉安、萬綺雯(蚊蚊)、王浩信昨晨六點在機場集合,前往越南為無綫新劇《致命復活》拍外景。眾人辦理登機手續時已吸引不少途人求合照,就連機組人員也忍不住「集郵」。郭晉安表示到埗後即投入拍攝:「我帶個人去o架咋,一個包袱,唔慣拖篋。」蚊蚊則有四分一篋是零食,安仔笑言到當地或會叩門求食,蚊蚊說:「可能唔啱你食喎!都係啲麥皮。」蚊蚊稱今趟到越南會到不少旅遊景點拍攝。

王浩信早前拍攝《致》時撞車受傷入院,今次到越南有追車戲份,他說:「太太出門口已經再三叮囑我,真係唔得就唔好自己嚟。買咗大量嘅電話儲值卡、數據卡充足支援同屋企人聯絡,到時會用視像、短訊、電話報平安。」