陳浩民五年抱四畀太太「放監」
現年46歲的藝人陳浩民自2011年起已育有兩女一子，昨日太太蔣麗莎更開刀誕下第四胎，五年抱四！B女重約3400公克（約7.5磅），名字更別具意義，取名為Victoria，寓意為「香港的女兒」！浩民更笑言會暫時封肚，困住太太五年想畀佢「放監」抖抖。
恭喜恭喜！46歲的藝人陳浩民在2011年與太太蔣麗莎結婚後勤力「造人」，四年間已育有兩女一子，去年他更宣布太太佗第四胎，五年抱四！昨日蔣麗莎終於在老公陪同下，在銅鑼灣聖保祿醫院開刀誕下第四名女兒，名叫Victoria，重約3400公克（約7.5磅）。
產房內不可講笑
事後陳浩民接受本報電話訪問時，指Victoria長得似三家姐陳若嫣，並透露今次是首次由開刀到縫針所有過程都陪住太太：「因為想我幫佢清楚了解整個過程，太太係半身麻醉，過程清醒，我原本想講笑令佢分心，點知畀醫生勸，話如果佢笑到個肚郁落唔到刀！太太生四個BB都係開刀，開同一個位置。」此外女兒取名為Victoria是寓意為「香港的女兒」：「佢代表咗香港，同埋我哋新居會係面對維港。」他又指大女陳雅薷幫妹妹改了一個小名「Lulu」。問到送咩禮物給太太？陳浩民笑言：「原本準備咗禮物，但畀Sales打嚟拆穿咗，太太接咗電話知道係名貴手袋，佢話唔鍾意唔想要，最後冇送。好感謝太太咁為我設想，新居當送畀老婆！（送咩畀B女？）幫佢準備咗教育基金！」
一家六口夠晒數
至於陳浩民會否再接再厲否繼續生？他笑說：「順其自然，醫生都講笑叫我唔好再嚟搵佢！自己覺得小朋友好得意，但依家想畀太太『放監』，困住咗佢五年，日日都揹住個波，畀佢抖下先，短期唔會生住。」原來陳浩民目前正忙在內地拍攝電影《隱之愛人》，特別向劇組請假，前日（29號）收工趕回香港陪蔣麗莎待產。然而當時蔣麗莎久久未能入睡，凌晨時分在微博上載被老公陳浩民懷抱相擁的照片，畫面甜蜜。而昨晚蔣麗莎生B後，在微博上載子女摸着B女的照片並留言：「恐龍蛋，今日成功破壳，Victoria歡迎你來到我們六口之家！」
文：專案組