鄧健泓向女友石詠莉求婚成功，男方表示因今年是「盲年」，結婚會留待下年，堪輿學家陳子才表示不必擔心：「兩位都屬虎，今年沖太歲易有感情變化，結婚正正就係變化。雖然今年盲年，傳統唔適宜嫁娶，但現代人唔會好介意，而且男方求婚成功除咗因為沖太歲，女方今年夫妻宮都同流年相合。但佢哋出年先結亦冇問題，因為石詠莉嘅夫妻宮出年逢沖。」
至於婚後感情及生B，陳子才說：「兩位夫妻宮相合，溝通同感情唔錯，但結婚後都要幾年適應新生活，初頭會出現爭吵情況。至於生小朋友，睇番女方命盤係冬天出世屬水，小朋友唔會多，結婚後石詠莉亦旺鄧健泓多啲。」