陳柏宇九月赴英拍婚照

歌手陳柏宇昨日為新碟舉行簽唱會，今年是柏宇入行10周年，他在活動上與歌迷玩遊戲，被歌迷又抱又拖，更面貼面，他笑言：「入行10年今日畀人抽得最多水！」早前他宣布將與女友符曉薇拉埋天窗，活動上被問到可會出外影婚照？柏宇坦言有計劃九月到英國取景，但不會在外地註冊，婚禮會在港舉行：「幾時未知，但唔會請圈中人啦，如果到時大家見到有圈中人嚟飲，相信應該係我欠咗佢嘅！」提到生兒育女時，柏宇直言恨生女：「我想生女，如果第一個生咗仔，我未必再追，因怕兩個仔都曳好難教，但生女先就會追多個，就算兩個女都開心，因女通常黐爸爸！」