張智霖獻Sing唔講得笑

張智霖走下台與熱情粉絲握手。

至於以特別嘉賓身份現身的Chilam，壓軸出場時高唱《祝君好》引來全場尖叫聲。此時張達明謂：「依家由Chilam落台代我哋同觀眾握手，復活節送個張智霖畀你，仲想點？」Chilam下台後不少男女粉絲邊握手邊要求合照，連陸永亦自爆自己是Chilam表弟好友，趁機大叫「表哥」並要求抱抱。

張達明拒復出拍戲

Chilam受訪表示今次獲張達明邀請擔任嘉賓：「佢打畀我嘅，因為我哋喺電視同電影方面都合作過，係未試過同台唱歌啫。（有興趣向棟篤笑發展？）我覺得自己講嘢都幾幽默，不過大家鍾意聽我唱歌多過講嘢，所以都係做番專長嘢好啲。」

張達明則直言前日一連兩場騷令他辛苦非常，問到會否復出拍戲？他說：「如果好似拍奧斯卡電影《Spotlight》咁，開工淨係拍開會戲份就可以囉！」當晚台下星光熠熠，入場睇騷的圈中人有鄭嘉穎與女友陳凱琳、連詩雅、Aka及阮兆祥等。文：影視組

張達明邀張智霖做嘉賓，陸永竟搞笑索抱。	捧場睇騷的黃子華受歡迎。	連詩雅悉心打扮穿短裙捧場。