林夏薇同老公財政獨立

藝人林夏薇昨日為香港管弦樂團籌款音樂會擔任表演嘉賓，問到是否想轉做歌手？她說：「隨緣，有機會都想多方面發展。（出碟？）我鍾意唱主題曲，睇完套戲再唱，感受更深。」有指夏薇獲億萬金融才俊老公Jason交予財政大權，她強調兩人財政獨立：「兩公婆相親相愛好正常，但愛唔好講錢，我哋所有投資都分開！（叫佢投資幫你出碟？）唔會，我希望有能力做喜歡做嘅事，佢精神上支持已夠。」