譚耀文溫馨孭媽咪

藝人譚耀文於Facebook上載自己背着行動不便的母親之溫馨照片，並留言：「病後媽媽第一次回復了激動真摯少女的笑容……」阿譚接受電話訪問，透露原來母親約於一年前發生「意外」﹕「佢擒上擒落，傭人又睇唔到咁多，所以咪跌倒囉。（好擔心？）最擔心嘅時候過去咗，不過呢件事令我哋兄弟姐妹團結咗，依家我同媽咪傾偈，大聲啲都唔敢，同埋好有耐性。多謝我太太咁多年以嚟，對我雙親嘅照顧，我爸爸走之前都係佢出心出力，我好彩娶到個好老婆。」談到日前有人推跌一位婆婆搶劫，阿譚即謂：「睇到真係好嬲，不過我相信係個別事件，香港人仍然好有愛心。」