歌手王梓軒前晚到九展為歌唱比賽任嘉賓，他透露早前到內地參加比賽《中國好歌曲》時的參賽歌《碰不上會更美》被廣告商睇中：「有個客戶仲想攞嚟拍到好似《太陽的後裔》咁嘅愛情故事，如果佢搵到宋慧喬做女主角，我直頭唔使錢去做。」問到是否因參賽而收入大增，他笑謂只是拉至平衡：「聽經理人講因為個比賽冇咗六、七位數，不過應該好快會追番。」
