盧大偉遺孀 情深別話:只有你……

「一代笑匠」盧大偉(盧David)早前因癌病逝世,終年71歲。家人昨日於大圍寶福紀念館為他設靈並舉行公祭,一眾好友包括曾志偉、陳友、石修及王祖藍夫婦等亦有到場送別。會場內除洋溢着盧David的歌聲外,大會更派發紀念冊。紀念冊封面印有盧David親切笑容的照片,內容除不少Gag作外,亦附上遺孀盧太對盧David的愛意。

14年間只分開4日

在結婚14年中只曾分開4日的日子裏,盧太自認是「世界上最幸福的人」,並以14句「只有你」為14年感情刻下總結,最後寫道:「你囑咐的,銘記於心,在此宣告,替代你戴上船長帽,帶領盧David教室的同學會~盧動力『愛』之船,以你之名航行得更遠,邁向更光輝的未來。」鶼鰈情深,教人動容。

今年出書完成遺願

盧太其後在契仔林雲陪同下接受傳媒訪問,藉以向一眾好友致謝,同時她亦希望為先夫完成遺願:「你哋聽到播緊嘅歌係David唱,我喺整理資料時,發現David原來秘密錄咗7首歌,佢講過想送隻碟畀我,但無奈因為某啲原因,未能實現,我都有打算幫佢實踐。另外亦想為佢再出本Gag書,佢之前已經出過兩本,佢仲有好多手稿,我計劃睇吓今年出唔出到,但要精神同時間處理。我想自己出版番,因為David啲學生有好多有能之士。」

文:影視組