軒仔發「Lo」騷 抓歌唱

由張敬軒主演的英皇電影《燦爛這一刻》，戲中的他與一班小朋友發放正能量。電影煞科後，軒仔即忙於為主題曲《一步一面貌》進行錄音，導演陳果還碌盡人情卡，找來盧冠廷（Lo Lo）負責音樂創作，三人昨日齊集錄音。軒仔甫見記者採訪即大叫緊張，又透露前晚嚴重失眠：「第一次同盧老師合作嘛！我又好耐冇畀人監製自己嘅歌，因為通常都係自己做番，加上之前兩次患流感，錄音日期一改再改，真係一波三折。尋晚凌晨點零鐘上床，點知4點都瞓唔着，咪上網搵番啲盧老師以前音樂嘅資料囉！」