祖兒谷厚面皮（舌累）偶像幫拖
忙為《我是歌手4》備戰的容祖兒昨日返港出席活動，提到總決賽的幫唱嘉賓人選，她透露打算邀請偶像級男歌手時慘食檸檬，但毅力驚人的她直言會再厚着面皮去打動對方！
天后容祖兒昨日出席愛心馬拉松活動，原本要帶領現場小朋友原地跑20秒，但她因早前為內地歌唱比賽《我是歌手4》排舞時不慎扭傷左腳，故只能以單腳跳方式去代替。
受訪時，祖兒表示自參賽以來，每星期都要在短時間內準備最完整的演出，加上腳傷令其心情起伏很大：「我一世女加埋嘅壓力都唔夠今次大！」提到帶傷上陣跳舞令不少粉絲大表心痛，她說：「我覺得要堅持，都好矛盾嘅，我咩都準備好晒，冇理由差自己，如果我唱首冇咩準備嘅歌，就等同棄權。」
傷腳？冇得着高踭鞋仲傷
問到男友劉浩龍（師兄）有否感心痛？祖兒說：「個個都心痛！第一日我仲唔敢畀媽咪知。」她又指過幾日便要飛到韓國拍攝另一節目，之後又要與好友李克勤開騷，完全沒有時間休息，但最擔心的竟然是怕不能穿高踭鞋：「我買咗好多高(足爭)鞋着唔到，我好怕換季，唔抵吖嘛！」
據知，祖兒已成功打入《我》的總決賽，她表示最頭痛就是找幫唱的嘉賓：「想有驚喜，或者係我鍾意嘅偶像級歌手。（師兄？）得驚咋！喜欠奉，呢個環節Sell唱，佢出現個Focus會轉移。」她又透露心水人選是一位男歌手，曾邀請過對方一次，可惜慘遭拒絕：「我會施展鍥而不捨同面皮勁厚嘅再問佢，希望得！依家好似碌緊卡咁，但我冇咩Credit又透支緊，要儲夠勇氣，我諗住再打電話去，同埋將個全面計劃Send過去！」
另外，近日有網民搜出一段舊片，內容指祖兒拒絕與一位粉絲合照，被指充滿天后的氣燄，祖兒解釋：「係就唔會有咁多人喺我面前揸機影相！我係口硬心軟嘅人，好多時同Fans都係用鬥嘴方式相處，佢哋都好享受。」
文：音樂組
攝：唐豁莊