楊怡巨鑽放閃謙謙冧叫「我太太」

剛於英國秘密完成古堡童話婚禮的楊怡與羅仲謙,昨日返抵香港回應婚事。婚後的二人大方分享新婚喜悅,楊怡晒出無名指上的閃爆巨鑽戒指,謙謙亦不甘示弱多次稱楊怡為「我太太」宣示主權,大放閃光彈!

無綫花旦楊怡與羅仲謙日前被揭於3月22日,在英國秘密註冊結婚,花費十多萬港元包下著名古堡影婚照。一對新人昨日返抵香港面見傳媒,於下午三時半二人步出機場禁區,略見疲態的謙謙戴上黑框眼鏡,未見手上有婚戒,反而戴墨鏡的楊怡精神奕奕揮手示好,更晒出左手無名指的巨型鑽戒,據知是訂婚戒指。

一對新人接受訪問期間,謙謙多次稱呼楊怡為「我太太」,認真恩愛!談到今次英國之行,謙謙表示:「今次想大家家人見面,畀我太太一個甜蜜回憶。點解揀英國呢,我鍾意古典氣氛重,同埋我希望太太好似公主咁出嫁。」

強調非奉子成婚

對於遭家姐楊卓娜踢爆婚事,楊怡表示:「唔好講踢爆,都打算畀大家知,返嚟諗住會講,估唔到大家早咗知道,呢個比我哋預料嘅早啲。(因懷孕而趕婚?)唔係掛,咁爆?我今日條腰得22吋!」問謙謙是否想盡快生B?他笑說:「太太都唔急,我急咩呢?」不過阿怡被問到是否習慣被稱呼為羅太時,她笑說:「唔慣呀,大家唔好咁嗌我!」

二人此行相當神秘,問是否隱瞞公司秘婚?楊怡指公司一直很支持二人交往,謙謙則說:「年頭已經同咗老闆講會結婚,結婚係開心嘅事,收到好多短訊祝福,我哋都唔敢回覆住,想返嚟一次過講,唔想大家有猜測,想喺鏡頭前多謝佢哋。我哋相處都有好幾年,結婚係大家意料中事,都想快啲拉埋天窗。」問新婚的楊怡會否做「跟得夫人」陪謙謙返內地工作?她說:「我嚟緊都會做嘢,仲有啲工作傾談中,有幾部大陸劇都想接,如果有時間都會去探吓班,唔使偷偷摸摸,可以名正言順去探佢。(依家同羅生一齊住?)係呀,大家唔使跟我喇!」

返愛巢再貼婚照

訪問尾聲,謙謙終於應媒體要求親吻楊怡額頭,二人在大批媒體「護送」下,登上座駕離開機場,返抵楊怡位於將軍澳的愛巢。婚事曝光後二人終於鬆一口氣,大方分享新婚喜悅。楊怡稍晚更在微博貼出婚紗照,相中有馬車等童話元素,相當浪漫,她Sweet爆表示:「將踏入人生另一階段,謝謝你從此牽着我走,感謝大家對我們的祝福。」而謙謙則大放閃光彈回應說:「羅楊怡!謝謝你的愛。」

文:影視組