李彩華想搵男友畫裸體畫
藝人李彩華、賭王何鴻燊四太梁安琪與女兒何超欣、何超盈、萬寶寶等前晚出席晚宴，性感示人的李彩華表示自己的畫作不時作慈善拍賣，更希望開畫展：「上次試過拍賣到十幾萬，可以媲美名畫大師。畫過十幾幅，有啲送畀人，有幾幅掛喺屋企，我都想開畫展，但要諗吓主題先。」還說曾畫卡通版人像裸體畫，想找男朋友試做模特兒。
梁安琪獲超欣錫面祝賀生日，她表示生日願望最重要是何生身體健康：「錫我同小朋友多啲，個個都大，最緊要讀書好，做嘢有成就。」提到猷君破了最年輕紀錄考入MIT金融碩士課程是否天才？她笑言只是好彩。遺傳了你的基因？她說：「絕對冇，佢成日話自己似爸爸。」而超盈透露早已在英國買了禮物給媽媽，由她做代表送禮。提到里奧勒度狄卡比奧來港，她亦有聽過，直言應該會見面：「等朋友約。（你同佢套戲點？）未拍，拍得就會話我知，都係玩吓，為慈善。」
