樂基兒單拖撐黎明冇男友份

樂基兒（Gaile）前晚穿上入膊開衩長裙出席活動，大騷誘人美腿，同場的嘉賓還有美國男歌手Craig David、任達華和太太琦琦、名模Rosemary以及陳嘉桓等。Gaile表示剛返港不久，之前到了美國跟家人過農曆新年：「依家都係出席啲event，同埋同啲brand合作，不過唔講得住，4、5月先出街，5月我會去印尼滑浪，你哋見我開始白番。（感情生活點？）好開心，仲係好早嘅關係，穩定。」

工作私人嘢會分開

Gaile前夫Leon下月尾將舉行4D演唱會，問她可會看演唱會，她說：「如果啱時間，同啱睇嘅話，有咩concert呀？（Leon嚟緊開4D concert，你會唔會睇？）暫時未知，都戥佢開心，希望佢演出順利，佢籌備咗好耐。（會唔會帶男朋友去睇？）如果我去都唔會帶，我工作同私人嘢分開，我出席活動都唔會帶埋男朋友嚟。」而美國歌手Craig David未有接受訪問。

任達華瞓前睇女相

上周六（19日）任達華生日，收了很多禮物，但當日他身在廣州工作，要與女兒視頻，又大晒愛女送給他的手機殼：「當時我剃緊鬚，又心急同個女傾偈，琦琦同個女攬住同我kiss下，咁我郁一郁就剃損咗流血。」在旁的琦琦說：「個女畫畀佢張生日卡都喺爹哋塊面畫咗兩撇嘢。」任達華表示跟妻女facetime是必需的，多得現時IT科技發達，拉近大家的距離。不過，他試過要去山區拍戲而接收不到信號：「我有四個電話，三個唔同網絡，都試過真係唔中。香港有啲地方都有盲點，海旁附近嗰啲，我次次同個女facetime去到嗰度都斷線。」要是不能facetime，臨瞓前及瞓醒他都會睇個女的相：「對唔住琦琦，以前睇佢啲相先，依家睇個女先！」

文：名人組

黎明	陳嘉桓有整珠鏈網上賣，還親自交收，真係估佢唔到！	Rosemary婚後一樣咁活躍。

任達華、琦琦成日都咁恩愛。

Craig David騷唱功。