蕭正楠拉隊慶生 攬翠如晒幸福

藝人蕭正楠（Edwin）昨日39歲生日，於圈中人緣極好的他獲各方好友為他慶生，慶祝活動一浪接一浪！Edwin早於前日出席劇集宣傳活動時，已獲藝人黎耀祥、陳國邦及曹永廉三位「公公」送蛋糕齊齊吹蠟燭，而其後他又於後台收到工作人員賜封的「楠神」蛋糕，令Edwin愛不釋手，更表演單手許願！
蕭正楠有女友黃翠如陪過39歲生日。
蕭正楠有女友黃翠如陪過39歲生日。

黃長興餐廳搞P

至於與Edwin愛得火熱的黃翠如，亦以「主人家」身份現身其生日party，期間更與唐文龍、黃長興、曹永廉等座上客表現融洽，大嗌幸福、美滿的Edwin昨日接受本報電話訪問，他表示：「我哋去咗長興間餐廳食飯，成班朋友一齊慶祝，咁啱我哋兩個又唔使開工，所以可以一齊過，都冇乜特別，希望所有朋友都開心、健康！（翠如BB送咩禮物畀你？）呢啲唔講啦，保密！」

而翠如BB其後就透露二人隔天就要到殯儀館拍攝，更笑指Edwin「紅事撞白事」，認真大吉利是！文：專案組

蕭正楠人緣好有大批老友賀壽。
  • 蕭正楠人緣好有大批老友賀壽。
蕭正楠手捧「楠神」蛋糕，再單手許願。
  • 蕭正楠手捧「楠神」蛋糕，再單手許願。