陳俞希簽生死狀飛翔新西蘭

陳俞希難忘於一萬五千呎高空一躍而下，大呼刺激好玩。

陳俞希（Hailey）日前到新西蘭出席朋友婚禮，一向活潑好動的她於旅程中大玩sky diving兼cliff hanger，於一天內連簽兩張生死狀。對於此次初體驗，Hailey說：「第一次玩sky diving，由一萬五千呎跳落嚟嗰下都咪話唔驚，不過好在之前我仲玩咗個cliff hanger有定個心理準備，好刺激。不過冇諗過第一次簽（生死狀）就簽兩張。」她又謂：「因為之後都會拍番啲旅遊節目，所以今次都當係取經，又順便休息。」

自嘲哈比人

問她旅程中有何趣事發生？Hailey即大呻與好友於農場一次「鬥快餵奶」比賽中，慘被羊羊「嫌棄」：「有一次我同我啲朋友去咗個農場，咁啱嗰度又有人邀請我哋上台玩，但因為我哋事前唔知係玩啲咩，後尾先發現原來係要我地鬥快餵晒手上啲奶，不過唔知點解啲羊仔又唔過嚟飲我啲奶，所以就輸咗。但最後佢哋都送咗啲即場剪嘅羊毛畀我哋當係紀念品，都幾難忘。」

雖然於「鬥快餵奶」比賽落敗，但陳俞希仍獲羊毛紀念品。

難得到新西蘭，陳俞希當然要在美景前影相留念。

外形嬌滴滴的Hailey期間更到了當地的「哈比人村」，她笑言：「我啲朋友成日都笑我細粒，入到去真係咩都縮細幾倍，好似返咗自己鄉下咁，所以都好有親切感。」文：專案組