林家棟讚J.Arie演活港女2.0

本地影壇盛事《香港電影金像獎》將月下月舉行，J.Arie憑《死開啲啦》與蔡思貝、蘇麗珊及白只等角逐「最佳新演員」，身為《死》片監製的林家棟接受《東網電視》節目《娛樂onShow》主持俞詠文（Angela）訪問，直指提名對J.Arie是一個肯定：「佢入選當然開心，因為佢從來冇讀過演藝課程，我同佢講今次提名當係一張入場券。」對於戰況激烈，林家棟笑言唔使驚：「我都係資深『被提名人』，提名三次都係食白果，拍戲唔係為攞獎，係為自己而拍。」

低調談情拒公開

提到戲中的J.Arie，林家棟盛讚她演繹港女拿捏不錯：「某程度上坊間對港女偏向有貶意，但係佢提升咗港女嘅地位。（J.Arie本身係咪港女？）我唔敢講，我一定要話佢唔係港女，佢只係演得好！」林家棟早前跟女星文詠珊（JM）合演電影《兇手還未睡》，JM突破全裸上陣，家棟讚她能應付複雜及高難度的內心戲，有望成為下屆影后！

林家棟被Angela感情大逼供，他笑言希望如普通人一樣，拒公開戀情。

林家棟指飾演港女的J.Arie恰到好處，以新人來說令人驚喜。

另外，Angela指在搜尋器輸入「林家棟」一名，便會出現「林家棟女友」的關鍵字，一直低調感情事的他被問到會否公開戀情？他自言私下只是普通人一個：「鏡頭以外我同大家一樣都係普通人，唔會刻意公開，大家見到就見到！唔會用力。」對於近年兼任演員及監製，他笑言兩樣都喜歡：「如果多個選擇，我都想做歌手，但我要保護樂壇，費事嚇親大家！」

文：專案組

服裝及鞋：Bauhaus, New Balance

化妝：Issac Poon @jack timeless

髮型：Alex Chan @ projectz4/jack timeless