陳瀅預告蜜遊台灣

「賭王兒子」何猷亨女友陳瀅、名模馬詩慧女兒王曼喜等昨日出席活動，陳瀅透露復活節計劃與好友劉佩玥（Moon）到台灣旅行三日：「我同Moon都未試過兩個女仔去旅行，佢最近拍劇好辛苦，難得佢有三日假，想同佢二人世界。（男友有冇呷醋？）問番佢，我唔知。」提到Moon以「老婆仔」稱呼她，她即自爆Moon買了戒指給她及何雁詩。記者笑指二人關係曖昧？她笑言：「唔係，我哋好公開。（同性戀？）唔係，叫老婆仔係好sweet嘅稱呼，佢咁叫我，不過我冇咁叫佢。（佢重要啲定猷亨重要啲？）我婆婆最重要。」