陳松伶吸濕大象脹卜卜
陳松伶、龔嘉欣、何君誠、喬寶寶及陳敏之等前晚為無綫節目《Sunday好戲王》錄影，陳松伶明顯發福不少，她笑說：「自己係水腫，近排天氣潮濕，自己好似吸濕大笨象，老公都認唔到，其實我已經瘦咗，之前大家更加認唔到我。」
相隔十年，陳松伶將於今年年中再為無綫拍劇，她笑說：「到時天氣熱，順便可以減肥，希望減10磅。（做師奶角色？）搵我梗係做靚女啦，不過做師奶角色我都好願意。」陳敏之演出的劇集《親親我好媽》有指因劇本出問題要停廠重整，她說：「唔清楚咩事，對我冇影響，唔覺劇本混亂，件事搞到好似作古仔咁，完全唔真實。」