JC誕8磅B女安志杰灑淚見證
男星安志杰（Andy）與混血名模未婚妻Jessica C.（JC）的愛情結晶品終於出世！兩人的愛女Tessa在美國時間昨日凌晨零時41分誕生，Tessa是肥妹仔，重8磅2，初為人父的Andy全程陪產，B女出生一刻他更感動落淚，他計劃到女兒滿月後，至5月才返港努力賺奶粉錢。
有「警鐘胸」之稱的混血名模Jessica C.去年10月宣布佗B，其未婚夫安志杰去年尾陪她返美國待產，BB未出世，Andy已經為囡囡取名Tessa，名字是兩人的合體。
想念佗B日子
臨盆的JC前日還在社交網上載手摸巨肚的自拍照，並留言說會想念佗B的日子，原來她昨日已進產房，以無痛分娩方式誕下Tessa，囡囡重8磅2，身長19吋半，遺傳了父母的身高。
Andy昨透過經理人回覆：「Jessica喺美國時間凌晨12點入產房，B女喺12點41分出世，係順產，係個肥妹仔。Andy話好感動，亦多謝太太懷胎十月同佢生咗呢個愛情結晶品，B女出世時佢忍唔住感動落淚，佢覺得人生責任大咗好多，因為有老婆同女，所以要好努力工作養育小朋友。（Andy幾時返港？）會陪伴JC到5月，之後返港拍電影。」
謝婷婷送祝福
至於Andy的舊愛謝婷婷，昨日於黃昏時分透過助手向兩人送上祝福，婷婷說：「恭喜佢哋！」其實早在Andy與JC去年宣布造人成功時，婷婷也曾透過對方的助手送上祝福，直言是真心恭喜對方。文：名人組