黎燕珊收樓最實際
1985年首屆亞姐冠軍黎燕珊，對於師妹張家瑩的三百多萬元后冠，笑指當年老闆邱德根並非着重后冠價值，而是其餘禮品：「我都有個后冠，紀念性高於價值，但我有個鑲滿晒石嘅心口針，同埋仲有錦綉花園單位、車同名貴鑽飾，全部都係實物，唔係禮券，總值過百萬！」談到末代亞姐爛尾收場，黎燕珊直言未感唏噓：「不如佢盡快將啲工資畀番員工，咁大機構連最基本嘢都做唔到。」
而2008年亞姐冠軍姚嘉雯，透露當年的后冠同樣價值三百多萬港元，多年來也放於原裝盒子，原封不動擺放在家中珍藏，對於末代亞姐未能舉行，她大嘆可惜：「亞洲小姐咁有歷史，但依家話停就停。」同年亞軍的顏子菲亦謂：「可惜唔可以喺亞視輝煌時參與過，但欣慰喺亞視輝煌嘅時候被大家記得過。」
身在倫敦進修的2009年亞姐冠軍許瑩，則表示其價值三百萬元的后冠正收藏於家中保險箱。對於末代亞姐落空，許瑩深表惋惜及遺憾：「亞姐嘅舞台係幫助好多女仔實現夢想，證明自己。雖然唔可以延續落去，但將會係永遠無法超越嘅經典。」
