朱千雪凌空擘腿搶韓劇觀眾

朱千雪凌空擘腿，笑言只練習了十五分鐘。

朱千雪、王浩信、袁偉豪及朱晨麗等昨日反轉「東華慈善嘉年華」馬戲帳篷為宣傳無綫新劇《EU超時任務》，眾人施展渾身解數谷收視，除了有朱千雪凌空擘腿、偉豪高拋扯鈴之外，抱病在身的王浩信亦參與表演「連環凌空瞓身」，單立文更大爆晨麗做慣「舞女」駕輕就熟，凌空打韆鞦毫無難度，晨麗即時反駁：「係專業舞者！」笑翻全場。

凌空擘腿的千雪表示昨早只為表演練習過十五分鐘及兩次排演：「最初都有啲驚，因為凌空又冇威吔，最難係平衡，我本身又冇乜跳舞底，（但你筋骨都好柔軟？）可能最近做得運動多。」而千雪對收視亦很有信心，直言劇集未播已被街坊稱為「Madam」，更自信不怕韓劇潮流影響收視：「劇集可以同時追多過一套(口架)嘛！」

戴口罩自我隔離

而發燒上陣的王浩信則表示因天氣反常而積勞成疾，臥病在床仍需戴口罩自我隔離：「個女想話錫我，我老婆都大嗌唔好，個感覺係好孤獨。」而浩信亦表示《超》劇拍得辛苦，實令他滿腹感慨：「啲淋紅油呀，淨係着底褲喺旺角跑，到依家都仲有人嗌我做『鵰兄』，其他演員都好多感觸，個個都鋪千字文喺微博。」另外，袁偉豪在劇中展露自己鮮有的反派一面，笑言希望觀眾不會因此對他反感：「唔好掟雞蛋就OK。」文：影視組

一眾藝人齊齊為新劇造勢。

朱晨麗凌空打韆鞦無難度。